Novas

Publícase en liña Conversas arredor de Xorima

O libro Conversas arredor de Xorima, de Paulo Naseiro, xa está dispoñible para o seu acceso en liña na nosa web

Conversas arredor de Xorima foi presentado o día 19 de marzo en Vilalba nun acto que contou coa actuación do grupo titular.

Podes acceder ao libro en versión dixital a través desta ligazón.

Preséntase en Vilalba Conversas arredor de Xorima

Conversas arredor de Xorima reuniu a máis de 400 persoas no Auditorio de Vilalba

Fotografía de Antonio Currás

A presentación do libro Conversas arredor de Xorima, o pasado 19 de marzo en Vilalba, acolleu tamén a primeira actuación de Xorima despois de 40 anos, nun acto emotivo cun público entregado ao recordo e á música.

Interviron na presentación Marisa Barreiro, presidenta do Instituto de Estudos Chairegos, Antón Baamonde, prologuista do libro e mais Paulo Naseiro, o seu autor. O público asistente puido ver tamén unha pequena mostra en forma de teaser do documental que está a producirse no seo do Proxecto Xorima. Finalmente, deuse paso aos membros da formación orixinal de Xorima -Xosé Ramón Vázquez, Lalo Baamonde, Queno Eimil e José Luís Pernas- acompañados do violín de Quim Farinha e mailo baixo eléctrico de Carlos Xosé Currás, Bobé, para ofrecer un concerto inesquecible.

Ademais dos asistentes ao acto, máis de 200 persoas puideron ver a presentación en streaming a través da canle de Youtube do Concello de Vilalba, onde está aloxada neste momento para a súa visualización.