Proxecto Xorima

Novas

O documental Xorima estréase en liña

Xorima vai ser accesible en liña e de balde a través da canle do Proxecto Xorima en YouTube

O documental, creado no seo do Proxecto Xorima, estará dispoñible a partir do 31 de agosto na seguinte ligazón:

Cargando...

O documental Xorima é o reencontro dos integrantes do grupo de folk galego Xorima despois de 40 anos e o retrato da súa influencia na xénese do universo do folk galego actual. A reivindicación da cultura propia, os cambios sociais e culturais da Transición, a aventura e o desafío duns mozos que se abren ao mundo exterior, o sentimendo de agradecemento e amizade entre os protagonistas e mais o seu legado musical son os temas que vertebran esta homenaxe audiovisual. Esta peza audiovisual, dirixida por Sofía Naseiro, foi premiada na categoría galega do IX Festival de Cine de Roca en 2022.

A data foi escollida por tratarse do día grande das Festas de San Ramón e Santa María en Vilalba, vila de procedencia do grupo.

Xorima

Xorima foi un grupo revelación no nacente folk instrumental galego dos primeiros anos oitenta, formado en 1981 por cinco rapaces moi novos que comezaron a tocar xuntos na época do instituto. A aventura daqueles tempos levounos a tocar nos máis importantes festivais de folk en Galicia, a península e o estranxeiro.

A formación orixinal, a de Queno Eimil, Xosé Ramón Vázquez, Xosé Lois Pernas, Carlos Arturo Celeiro e Eduardo Baamonde, reúnense para este proxecto despois de corenta anos.

Escoita!

Xorima
A cova da serpe
Compañeiros
Caldaloba
Danza do afiador
Feira de santos
Unha noite en Noche
O gaiteiro avergoñado
Danza dos brechos
Muiñeira/jig of slurs

Cargando...